غرِّد يا عود / الشاعر موفق عثمان

Views: 0

مساء الخير للذَّوَّاقين ……

*****غرِّد يا عُود *****

ماحْلا الورِد يا لَيل غُنِّيِّة

غرِّد يا عُود وجود ضَيعِتنا

نَسمِة هواها وبَسمِتا هِيِّة

ضَيعةٍ فرح بالحُبّ جمعِتنا

باقِة ورد والاِسم جوريِّة

مَع هالَحلا إِيدَين ضمِّتنا

حُضنِك يا أُمِّي الحُبّ مع بَيِّي

شمس ودفا جُوَّات خَيمِتنا

كُنتو الفَرح وِشموع مِضوِيِّة

كُنَّا الأمل بِعيون غطِّتنا

دمعِة فرح عالخَد شِتوِيِّة

مع هالقلب هيِّة اللِّي دفِّتنا

ما حْلا الوفا بعيون ريفيِّة

بيِّي الوفا أُمِّي اللِّي ربِّتنا

إِنتو العِطرَ ياسمين عيديِّة

ربِّ السَّما كرَّمها شامتنا

واللِّي انكتب عجبينها هيِّة

أُمِّي الوطن ماحلاها ضَيعِتنا

دمشق في 20/6/2023

بقلم الشَّاعر :موفق محمد عثمان