Views: 5
(إكرام الضيف) للشاعر د. علي مسلم عجمي
—————–
أهلا و سهلا فيك يا ضيفي الحميم
أهلا و سهلا ببيتك معزَّز كريم
مقعدك صدر البيت يا ضيفي العزيز
تفضل بكل ترحاب تشريفك عظيم
زغاريد و زغلاليط و بتسمع أزيز
واحد و عشرين طلقة من الصميم
منحضر لبن عصفور عنك مش عجيز
الضيف إكرامه على الوجه السليم
مش ضيف إنت .نجم في داري لَمَع
البيت بيتك على الطاعة و السمع
داري ان شِفِت تقصير مني أو فتور
لضيافتك أو نقص بالواحب جمع
مكرَّم تلات ايام تشريفك عطور
شرع الضيافة و الأصول المتبع
كُفْ البصر يا ضيف عن جملة أمور
بالبيت لولا شفتها و طرفك قَشَع
و ما يكون في تجريح بالحكي و كسور
و ما يكون في لزيارتك ريبة و طمع
استأذن يا ضيفي عندما تنوي المرور
بالبيت بأصول المبادي و الشرَع
واجب الضيف معاملة ببهجة و سرور
الضيف .ضيف الله بمقامه ارتفع
ضيافة كريمة بالورود و بالبخور
و ترحاب عنه بينحكى بالمجتمع
يا ضيفنا لو زرتنا عند الحضور
نحنا الضيوف و انت رب المتسع
الشاعر… د.علي مسلم عجمي
لبنان
Discussion about this post