الشاعر د. صالح العطوان الحيالي / كنا

Views: 14

كنا
—-‐ د. صالح العطوان الحيالي
كلمات كتبتها باللهجة العامية وبالكلمات المتداولة ..
كنا نسكن في بيوت من طين
كنا قلوب متصافين
كنا ايد وحدة متعاونين
كنا آمنين مسالمين
مساكين وطيبين
نحب الخير للجميع
كحب الكحل للعين
كنا نزرع الحنطة والشعير
ونحصد الزرع متعاونين
نأكل الخبز و البصل
كنا على قلب رجل واحد
كلما حلت بنا المحن
نتجاوزها متحدين
كانت الكوارة مليانة
تمر وعدس وماش وطحين
ونخزن الدهن والدبس بالبستوكة
والأم تربي الدحاج
ويسرح حول البيت
وتتكاثر ونحن فرحين
ونربي الغنم والمعز والبقر
ويتم حلبها مساءا
كنا نهيا الحطب للشتاء
ونشعل النار بالصاج
ونلتم متونسين
وكنا نلتم بالليل
ونعمل المدكوكة فرحانين
كنا نحب القصص بالليل
عن السعلوة والطنطل
نفرح لسماعها ونام هادئين
كنا حفاة القدمين وثياب مزقة
وكنا بحياتنا مقتنعين
كانت العائلة تطبخ
وتوزع من طبخها لكل الجيران
كنا ايد واحدة ومايكدر حرامي يدخل بيوتنا
هسة انقلبت كل الموازين
وبات الخائن والحرامي أمين
صار هذا الوقت لقلة قليلة
دعاة باطل باسم السياسة ملاعين
سيطروا علينا ليسوا منا ولسنا منهم
أبناء الشياطين وبعيدين عن الدين
إستباحوا الأرض والعرض
وعاثوا بيادر الحنطة والشعير مخربين