Views: 0
اتصلت بوقت متاخر
تدور عندي هرج
قلت خلني اتغدى بيها قبل ماتتعشى بيا مالت البعج
باجر تدور عندي حبجيات
واني من غير دف ادبج دبج
قلتلها من انتي
قالت مهرة وماعلي سرج
قلتلها تأخرتي
تراني مو على خبرج فاضي الخرج
قالت معقول
انا متابعك ومبين من هرجك تطعج الحديد طعج
ياحديد يانحاس صاير تنك ويصرج صرج
الحيل يرجف وقلبي ابرد من الثلج
الحياة معجتني معج
قالت ممكن اتصل بيك
قلت اتصلي لي شضل عندي غير الهرج
اتصلت وقالت كيفكً
قلتلها عيدي يرحم السطرج
من كلمة وحدة صحرائي قلبت مرج
قالت طول بالك لسع شوفتي تفلج فلج
هذا من كلمة كيفك هيج انقلبت
شلون عجب لو اشتغل الغنج
قلتلها هدي علي الحرارة تعدت الاربعين
ينعن السطرج
جنت اضن السالفة لعب بلعب
اثاريها فاتت بل غمج
يولي تخربط كل كياني
وتجعفلت مثل بكرة السلج
اشوفني ارتخيت وسحت
صوتج كنو ابرة بنج
مرن علي قبلج جثيرات
بدل الوحدة جانن ربج
بس شكلك انت غير
مثل الفرق بين البيكانتو
والرنج
قالت جود جود اشوفك صرت تكرج كرج
تراني استاهل دلوعة
واحب الغنج
قلتلها
ياخوفي تطلعي من اياهم
وتسجليلي اتصالي
واصير بحلوك الناس علج
محمد العسكري
Discussion about this post