Views: 6
زجل شعبي
عتابا موصّلة
عصير الحلم من صوتَك مسَكَّر
وقلبي عا هوى قلبك مسَكَّر
بلا خمر القلب دايب مسَكَّر
البعد مجرم حرب فاسق وَماجِنْ
وكيف بعيش من دونَك وما جِن
ومَى طرفَك كإنّو إن ومَى.. جِنّ
سرق قلبي وسفَك دمعو بِعَيْنو
وكان من العطش يِروَى بِعَينو
الفؤاد بيملكو واحد بٍعَينو
وفداه سنين عمري وكل مالي
بعد ما غاب عني احْباب ما لي
غرامو كاسة الأحلام مالي
وإذا بِلمَح الهالِة عا جْبينو
وإذا بعرف حروفي عاجْبينو
برصُفها بمُتحف عاجْ بينو
وبيني باب حب كبير فاتِح
غزا قلبي بحشِد جرّار فاتح
بعيون من البحر واللَّحظ فاتح
سرق روحي ورماني للعذاب
عروبة الباشا
