Views: 4
*الوطن *
((طلعي يا شمس هديلي ركابي
عذابك صار اهون من عذابي
حملت الشعر عكتافي بكتابو
تصار الشعر صفحة من كتابي
حملت البحر بقلبي وعبابو
تصار البحر نقطة بعبابي
حملت النور بلحظة غيابو
تا صارالعتم لحظة من غيابي
انا شاعر فنا زهرة شبابو
بحب الوطن تا زهر شبابي
ذرفت دموع عا طفلو وترابو
لانو الوطن جسمو من ترابي
الوطن اخلاق تظهر على بوابو
بملقى الضيف يلي يدق بابي
الوطن ايمان من ربي ثوابو
مابدي شخص يكتبلي ثوابي
الوطن كالنور عم يفرد جنابو
عا وسع الكون تا تنور جنابي
لحتى تضل مرفوعة عتابو
وترجع تعمر بلادي الجميلة
ضروري زيح عن كتفو عتابي ))
————-
*شاعر زجل سوري
