Views: 3
في الذكرى التاسعة لرحيل الشاعر منير البوفي
*كتبت ابنته لمى
جندت كل حروفي تا أوصفك ارثيك
انت الغلا و الحب انت الوفا كلو
يا بو قلب من ذهب كل الشمايل فيك
يا حب جوا الروح و الروح ترخصلو
و نطرتني عيد معك و احترت شو أهديك
ضحكة عيونك عيد والعيد لو طلو
بهديك عمري انا لو بقدر بخليك
قلبك برمش العين هونيك محلو
يا عين هللي دمع لو بحر ما أوفيك
للرب شمع ضويت و صلوات تشفعلو
يا روح البي انت بكيت شجار البيت
عا غيبتك ماتت عطش ورداتها ذبلو
يارب دخلك انت ما بكفر و صليت
يمكن صلاتي صعب كانت توصلو
يا قبر حاسدتك انا بهنيك
أطهر جسد ضميت روحي تحنلو
توصى الغالي اليوم ساكن فيك
لا تكون قاسي حجر والقلب ضملو
يا موت حاجي بقا حاجي أخذ يكفيك
راحو الغوالي و حسرة بقلبنا خلو
أيوب جيبلي صبر لو عندك اناجيك
ساعات فارقتو بيي اشتقتلو
وراقك ال ناطرتك تكتب شعر تبكيك
صبح القلم مكسور للشعر شو بقلو
ياعين هللي دمع طول العمر ببكيك
يا قلب حزن و قهر عا مفارق لخلو .
=========
*الذكرى التاسعة للرحيل
