من ديوان الأغاني
أنا الّلي الحرف حيّرني
أخذ عقلي وديّرني
هاتولي الناي
عشان فيه لحن جوّايا
جعلني أنوح
كمان قلمي الّلي خلّاني مُصِرْ أبوح
فيا ألمي وِدي حكايه
كما الحامل
وآخر طلقه للمولود
شوفوا رجوعي
زّى مخاض علي ضلوعي
وحياه ربنا المعبود
ليه الحزن مالو حدود
صبرنا كتير
متيجي نِحّوِل الدفه لفرْح جديد
منا الّلي قلتي ذات مرْه
بأني أمير
ونا عنتر وكنْت الزير
ماهو لازم يكون فيه حَلْ
ولَانِتْبع خيال للضِلْ
مش كل مانمشي نِتْكَفْي
ولو قُلنا يِئِسنا مفيش
صار الماضي كما الأوهام
وحياتنا الّلي عِشناها
وكنا لسه هنعيشها
كمان قدام
بَقِتْ بقشيش
وهايعَدي العمر
ياعمُري كإنو مفيش
هاتولي الناي
عشان فيه لحن جوايا
جعلني أعيش
عادل بسيوني
Discussion about this post