أنا الشهيد / الشاعر حسن هاشم

Views: 1

..
(( أنا الشهيد ))

يا مصر يامَّه… أفرحي
أنا الشهيد… و ده مطرحي

مين اللي قال …إني فقيد
أنا اللي عاش…عمره بطوله
بين العقارب… والرمال

عمري ماخون أمي..واصون عرضها
علىٰ الحدود…شايل سلاح
حالف اكون… رمز الكفاح
رمز الصلاح… رمز الفلاح
رمز لِأجيال… بتحب مصر

يا مصر يامَّه …أفرحي
أنا الشهيد.. و ده مطرحي

دمي برئ… من اللي خان
واللي ملوش…يامَّه أمان

ملوش مكان…غير الجحور
مستني فرصه… يُغدر بِنا

يا مصري يامَّه… أفرحي
أنا الشهيد.. و ده مطرحي

يا شعب مصر..أهتف وقول
تار الشهيد..لا يمكن يطول

دمه حريق…بين الصفوف
حالفين بروحهم..يفدوكي يا مصر

يا مصر يامَّه… أفرحي
أنا الشهيد…و ده مطرحي

عمر الشهيد… ما كان فقيد
هيعيش وليد…طول عمرنا

يا شمس قومي وأشرقي
علىٰ أرضنا… دم الشهيد

مسلم… مسيحي

حالفين ل يروا بدمهم
كل الصحاري والجبال

ترفرف قلوبهم… فعشق مصر
ويهتفوا ديماً… بِحُبِْكْ يا مصر

يا مصر يامَّه… أفرحي
أنا الشهيد… و ده مطرحي

الفيلســــــــــــــــــــــــــــوف العاشـــــــــــــــق
حســـــــــــــــــــن هاشـــــــــــــــم
25 نوفمبر 2017